මාර්ටින් වික්‍රමසිංහගේ උපන්දා සිට පොතේ එක තැනක ලේක්හවුස් අධිපති ඩී.ආර්.විජේවර්ධන ගැන මෙහෙම කියනවා
(පිටුව 275)
"වික්‍රමසිංහ ඉරිදට පැයක් දෙකක් ප්‍රමාද වෙලා වැඩට එන්නේ ඇයි ? විජේවර්ධන තරහෙන් ප්‍රශ්න කළේය. "ඔහු මිනිසුන්ගෙන් වැඩ ගැනිමට උපන් ශුරයෙකි."
වික්‍රමසිංහ විසින්ම මිනිසුන් තලා පෙළා වැඩ ගැනිමේ සමර්ථ විජේවර්ධන විසින් "වික්‍රමසිංහ එකල ස්වදේශ මිත්‍රයා පත්‍රයට අධිකරණ ප්‍රවෘත්ති නම් ලිපියක් ලියමින් සිටින විට විජේවර්ධන ඔහු කැඳවා එය නැවැත්විමට නොකියා කිව් බවත් " (පිටුව 264)
එකල දිණමිනේ කතු මඬුල්ලෙන් ඉවත්ව සිටි වික්‍රමාරච්චිගේ නිවසෙන් ඉවත්ව යන ලෙස ඉඟි කළ බවත් (පිටුව 264)
ඔහු ලියා ඇත.
කොග්ගල මහා ප්‍රාඟ්ඟ්දයාට පවා දැවැන්ත ධනපති පංතියේ වැජඹෙමින් හුන් ඩී.ආර් විජේවර්ධන සමඟ ගනුදෙනු කරන්නට උනු ආකාරය එයයි.
එමෙන්ම සමසමාජ පක්ෂ කෙරෙහි ජනයා බිඳවැට්ටවිමේ අරමුණෙන් අවිස්සාවේල්ලේ පියෙකු විසින් තම දියණිය දූෂණය කිරිම අලලා කතුවැකියක් ලිවිමට විජේවර්ධන විසින් වික්‍රමසිංහව උසිගැන්වූ බවත් එයට තමා අකමැතිව නුවරඑළියේ නිවාඩුවක් ගත කරන විට ඇලෙක්සැන්ඩර් වැලිවිට ලව්වා විජේවර්ධන සිය සිතැඟි ඉටුකරගත් බවත් වික්‍රමසිංහ ලියා ඇත.(පිටුව 327)
එමෙන්ම එකල එංගලන්තයෙන් පැමිණ කතෝලික ආගම අතහැර බෞද්ධාගම වැළඳගත් හොරගොල්ල බණ්ඩාරණායක මහමුදලිගේ පුත් සොලමන් වෙස්ට් රිජ්වේ ඩයස් බණ්ඩාරණායක පිළිබඳ දරුණු කතුවැකියක් ලියවිමට තමාට අවශ්‍යයැයි පවසමින්
"බණ්ඩාරනායක තදින්ම විවේචනය වන විදියටයි කතුවැකිය ලියන්න ඕනෑ " (පිටුව 326) යනුවෙන් පැවසූ බවද සඳහන් වේ.
මා මෙහි පිටු අංක සමඟම ලියාදැක්වීවේ එහි නිරවද්‍යතාව තවත් පාර්ශවයකට පරීක්ෂා කිරිමට ඉඩ තබමිනි.
මෙලෙස මිනිසුන් පෙළමින් , ශූර ලෙස කපටි ලෙස ව්‍යාපාර කරමින් හූන් සේදවත්ත වලව්වේ තුන්වන පිරිමි දරුවා 48 නිදහස් වීරයෙක් වීම තරම් සරදමක් තවත් නැත.
පත්තර මෙරට ආන්ඩූ කෙරු යූගයේ ලේක්හවුස් වැනි ආයතනයක මුලසුන දැරු විජේවර්ධන කවදත් අනුගමනය කළේ ඉංග්‍රීසී පිළිවෙතයි . එකල ඩේලි නිව්ස් වාර්තාවන් බොහෝමයක් ගැටගැසී තිබුනේ බ්‍රිතාන්‍ය නිදහස අනවශ්‍යය යන තර්කය මතයි. ඔහු කොතරම් ඉංග්‍රීසී ගැත්තෙක්ද නම් එකල බ්‍රිතාන්‍ය රාජකීය පවුලේ අයෙක් මෙරය සංචාරය කළ විට නවාතැන් සැපයිමේ සිට සියලූ පරිවාර කටයුතු කළ ඇත්තේ විජේවර්ධනයි.
එකල යම් හෝ ජාතික ඇල්මක් සහිතව කටයුතු කළ ඩී.බී ජයතිලකට කැළණියේ දුරුතු පෙරහැර මත පිහිටවා වික්‍රමසිංහ යොදවා විවේචනය කළේ විජේවර්ධනයි.
ඉංග්‍රීසීයෙන් ඉගෙනගත් , ඉංග්‍රීසීයෙන් කල්පනා කරමින් සිංහල භාෂාවට හිමිතැන දියයුතුයැයි පත්තරකාරයින් උසිගන්වමින් ලියෙව්වේ මේ විජේවර්ධනයි.
සියල්ල අවසානයේ රංජිත් විජේවර්ධනගේ විජය ප්‍රවෘත්ති පත්‍රි සමාගමේ මුද්‍රණයවන විජය පුවත්වතේ 1948 ජාතික වීරයෝ හඳුනා ගනිමුයැයි පළවූ ලීපියේ බෝතලේ වලව්වේ ඩී.ඇස් සේනානායකට එහායින් වු පින්තූරයේ හුන්නේ ඉහතින් වු සියල්ල කල සේදවත්තේ ඩී.ආර් විජේවර්ධනයි.
ඔවුන්ගේ ධනයට ,බලයට ඉතිහාසය පවා විකෘති කිරිම ඛේදවාචකයක් නොවේද ??
මනුජය තෙන්නකෝන්
Comments
Post a Comment