ෆේස්බූක් ඔස්තාර්ලා

 නාට්‍යයක ළමයෙක් මහණ වෙලා , එහෙම උනාම හොඳ නෑලූ , හොඳලූ , අපලලු , කොල්ලා නියම ඇණේ ගැහුවලූ , උගේ අම්මලා ගොං ලූ , චරිතේ ඇගේ පැළවෙලාලූ නා නා ප්‍රකාර කතාන්දර , වෛද්‍ය පිළිසඳර , මනෝ විශ්ලේෂණාත්මක ලිපි , විචාර ලිපි, එකී මෙකී නොකී හැමදෙයක්ම ෆේස්බූක් එකේ. මේ ඔක්කොම නොදකින්න ඒ කොල්ලා නොහිටිය එකමයි හොඳ. නැත්නම් එකපාරට දෙපාරක් මහණ වෙලා , ළඟින් නෙවෙයි ෆේස්බූක් නැති තරම් දූරින්. 

ෆේස්බූක් තියන හෑන්ඩ්ෆෝන් එකක් ගමේ කුඹුරු කොටන ගමන් විටක් හපපූ සිරිදාසට හම්බඋන එකෙන් සිද්ද උනේ සිරිදාස රනිල් ට වඩා රනිල් ගේ සැලසූම් දැන ගත්ත එක , මහින්ද ට වඩා මහින්ද ගේ ඩීල් දැනගත්ත එක , මහ බැංකූ අධිපතිට වඩා සල්ලී අච්චූ ගැහීමේ ප්‍රතිවිපාක දැනගත්ත එක. ඒ ඔක්කොම දැනගෙන මහතැන් කෙනෙක් වගේ ඉන්නේ නැතුව මේ පළඟැටියා කරේ මේ හැමදේම ඉස්පිලි පාපිලි අඩූව දෙපාරක් නොකීවොත් කුණුහරපයක් කියලා පෙනෙන අකුරුවලින් ෆේස්බූක් එක පූරෝපු එක. 

මෙන්න මෙහෙම කාලයක් යනකොට සිරිදාස ගමටම උගතෙක් වෙනවා. ඒ එක්කම මහින්ද රජාට ඇන්දටත් වඩා සිරිදාස ෆේස්බූක් නුවණැත්තෙක් වෙනවා. රටේ ලෝකේ හැමදේකටම මගේ මතය නම් මේකයි කියලා සිරිදාස බේගල් ඇදබානවා. සිරිදාසගේ ෆේස්බූක් අනූගාමිකයොත් එහෙයි !! එහෙයි !! වියතානෙනි කියලා පෝස්ට් ෂෙයා කරනවා. තවත් කාලෙකින් අහස බලාගෙන ඉර අව්ව බිබී ඉදලා ගෙදර ඇවිත් නිදියන තවත් උං සිරිදාස වෙන්න හදනවා. ෆේස්බූක් පිරෙන්න අකුරු අමුණනවා. තෙල් ටැංකි දෙන්න තිබ්බේ මෙහෙම , චීන ආයෝජන එන්න නෙවෙයි ගන්න ඕන කියනවා , ජපන හපනා අපි ගොනා කියලා තඩි දුම්කොළ කෑල්ලල් කටේ දාගෙන චව් !! චව් !!! ගාල හපනවා. ලියාපූ පෝස්ට් එකට ලයික් වැඩි වෙලා කොමෙන්ට්ස් ඉහළ යනකොට කට ඇඹූල් ගතියට විට හැපෙනවා. කට රතු වෙලා මතක් ඔලුවට එනකොටම සිරිදාස අලූත් පෝස්ට් එකක් ලියන්න ගන්නවා. " ලංකාවේ අධ්‍යාපන ක්‍රමය " මහ අකුරෙන් මාතෘකාවකුත් දානවා. 

මේ වගේ සිරිදාසලාට අන් මත ඉවසන්න බැරි වෙන ලෙඩක් හෙමීට හැදෙන්න පටන් ගන්නවා. ඒක හෙම්බිරිසාවට වගේ පස්පංගුවක් බීලා ,සමහන් එකක් ඇරලා දාල හොඳ කරගන්න බැරි ලෙඩක් වෙනවා.තමන් ප්‍රසිද්ධ වෙන තරමට මේ ලෙඩේ හැදුනම අමාරු වෙනාවා. කොටින්ම එලොව යන්න තරම්ම අමාරු වෙනවා. මේ ලෙඩේ හැදුනම , ෆේස්බූක් එකේ තමන්ට බැනලා තියෙන කොමෙන්ට්ස් හොය හොය සිරිදාස පීරනවා. එකක් අහූඋනාම සිරිදාස ඒ බැනූම් කොමෙන්ට් එකේ අයිතිකාරයාගේ පවුලෙම පැටීකීරීය හොයාගන්නාවා. දැන් කරගැට කඩලා , රැල් බූරුල් කරගෙන සිරිදාස තමන්ට බැන්න මිනිහගේ අත්තා අත්තම්මා විතරක් නෙවෙයි , දීපංකර බුදුහාමුදුරුවන්ගේ කාළේ උන්න නෑයොත් අල්ලාලා අපහාස කරනවා. 

'උඹේ පුංචිගේ පුතාගේ මල්ලී අනූරාධපුර හිඟා කෑව නේ යකෝ !!"  කියලා සිරිදාස අපවාද නඟනවා. සිරිදාස වගෙව් ඇඳගත්ත , තමන්ගේ මතය ෆේස්බූකයේ කොටන ඔහූගේ මිත්‍ර ප්‍රජාවත් ,සිරිදාස තනි නොකර කොමෙන්ට්ස් කරනවා. හැමදේම ඉවර උනාම කකුලක් පිට දාගෙන නිදි කිරන ෆේස්බූක් සිරිදාසට මහා යුද්ධයක් දිනූවා වගේ හිතේනවා

දකින දකින දේ තමන්ගේ මත විදියට අනාගන ,ඇදගෙන , නාගෙන ලියන , පැළේ රොටියක් පිච්චෙන ගමන් රටේ ආර්ථිකයේ ස්වයං පෝෂිත බව ගැන මහා ඡේද ලියන උං දැක්කම උඩ ඉන්න දෙයිහාමුදුරුවන්ට උනත් දාඩිය දානවා. ඒ දාඩිය නිවෙන්න කියලා දෙයිහාමුදුරුවෝ මනුලෝකෙට වැඩියම ආපහූ අඳ හේනක කොනක ඉදගෙන ලංකාවේ ඉඩම් ප්‍රතිපත්තියේ ව්‍යූහාත්මක වෙනසක් කියලා සිරිදාස ෆේස්බූක් එකට ලිපියක් ලියනවා . මේවා දැක්කම දෙයි හාමුදුරුවන්ගේ උනත් ඉහමොළේ සීතල වෙනවා නවත්තන්න බැරි වෙනවා.