ප්‍රජාතන්ත්‍රවාදී ඝාතකයන්

 2000 වසරේදි ඇමෙරිකා එක්සත් ජනපදයේ ජනාධිපතිවරණය ජයග්‍රහණය කරමින් ජෝර්ජ්.ඩබ්ලිව්  බුෂ් නොහොත් බුෂ් (කණිෂ්ඨ ) එක්සත් ජනපදයේ 43 වන ජනාධිපතිවරයා වශයෙන් ඕවල් කාර්‍යාලයේ දි වැඩ භාරගන්නා ලදි. 

Compassionate conservative නම් වූ සටන් පාඨයෙන් තරග කළ ඔහූ පෙනී සිටියේ වියැකී යන එක්සත් ජනපද වාසීන්ගේ අනාගත නායකත්වය ලෙසයි. සාම්ප්‍රදායික , ගතානුගතික මතදාරී ඇමෙරිකානු වැසියන් ඔහුව  පිළිගත්තේ  51.2% ඡන්ද ප්‍රතිශතයකිනි. නව සියවසෙහි සාඩම්බරණීය එක්සත් ජනපද ජනතාව සමඟ බුෂ් පරිපාලනය නව දශකයට සූදානම් විය. 

මුල් යුගයේ සිටම මැදපෙරදිග ජාතින් කෙරෙහි දේශපාලනික අතපෙවීම් සඳහා සිය දායකත්වයක් වැඩි වශයෙන් දැරූ එක්සත් ජනපද නව පරිපාලනය දෙදරුම හටගත්තේ 9/11 ප්‍රහාරයෙනි. ඇමෙරිකානු ලෝක වෙළඳ මධ්‍යස්ථානය එල්ලකොට මගී ගුවන්‍ යානා දෙකක් යොදාගෙන සිදුකළ සුප්‍රකට ප්‍රහාරය උක්ත 9/11 ප්‍රහාරය නම් වේ. එදිනම පෙන්ටගනය නොහොත් එක්සත් ජනපද ආරක්ෂක මූලස්ථානයටද ප්‍රහාරයක් එල්ල විනි. ජීවිත 2977 , සදාකල් ආබාධිත වීම් 25000 සහ ඩොලර් බිලියන් 10 අලාභානියක් සිදු කරාවූ ප්‍රහාරයේ වගකීම ප්‍රහාරයෙන් පැයක් ඇතුළත අල් කයිඩා (Al-Qaeda) සංවිධානය විසින් නිල වශයෙන් භාරගන්නා ලදි. 

එතෙක් අලූ යට තිබූ ගිනි , බුෂ් පරිපාලනය විසින් ඇවිළවීම ඇරඹිනි . එයටම ජාතිමාමක , දේශප්‍රේමී , දේශහිතෛෂි එක්සත් ජනපදයේ සම්බුද්ධික වැසියන්ද අත එසවිය. 2002 වසරේ මැද කාර්තුවෙහි බුෂ් ජනාධිපතිවරයා විසින්  9/11 ප්‍රහාරයේ වගකීම ඉරාකය වෙතට දමා ගැසූ අතර වසර දෙකකට පෙර කොන්ග්‍රස් මණ්ඩලයෙන් තමා වෙතට ලැබුනාවූ බලතල යොදමින් එක්සත් ජනපද හමුදාව 2003 වසරේ ජනවාරි මස සිට මැදපෙරදිගට යැවීම ඇරඹිනි. 

2003 මාර්තු මස 19 දින දෙවන ගල්ෆ් යුද්ධය (පළමුවැන 1990 කුවෙට් ආක්‍රමණයයි.) නමින් ඉරාක යුද්ධයට අවශ්‍යය අණ ධවල මන්දිරයෙන් ලැබිනි. 

මෙම සටහන ඉරාක යුද්ධයේ තතු විත්ති විමසීම හෝ පසුවදනක් දැක්වීම නොව. තීරණාත්මක මොහොතක  දේශපාලනික භූමීකාවේ ත්‍රීවූරත්වය කෙසේ වැදගත් වේවිද යන්නයි  .

බුෂ් පරිපාලනයෙන් දශකයක් ඉක්මවන මොහොතේ ලෝකයාගේ පිළිගැන්ම නම් 9/11 ප්‍රහාරයට සහ න්‍යෂ්ටික අවි භාවිතය පිළිබඳ ඉරාකයට දිගු කළ ඇඟිලි ප්‍රෝඩාවක් 

බවයි. මේ නිසාම වත්මන් බුෂ් පරිපාලනය ජනතාව සිහිකරන්නේ වංචාසහගත යුගයක් ලෙසයි.නමුත් මින් දශක දෙකකට ඉහත එක්සත් ජනපදය මීට හාත්පසින්ම වෙනස් සිදුවීමකි. අදටත් ඉරාක යුද්ධයෙන් මියගියා වූ සිවිල් වැසියන් 182272 (මෙය ඉරාක වාර්තාවලට අනුව 204575 කි)  වෙනුවෙන් කිසිදූ එක්සත් ජනපද රජයක් සමාව ඉල්ලා නැත. (ඔවුන් දෙවන ලෝක යුද්ධයේදි ජපානයට  සිදුකළා වූ මෙවැනි ජනසංහාරයය වෙනුවෙන් ඔබාමා ජනාධිපතිවරයා සමාව අයැද ඇත. ) යුධ සාහිත්‍යයට අනූව "ඕනෑම යුද්ධයක පළමු මරණය ඛේදවාචකයක් වන අතර එතැනින් එහාට සිදූවන්නා වූ මරණ සියල්ලම සංඛ්‍යා දත්තයක් පමණි." 

වසර 8 මාස 8 දින 29 පැවත්වූ ඉරාක යුද්ධයේ ඉතිරිව සිටි අවසන් එක්සත් ජනපද සොල්දාදුවන් ඔබාමා පරිපාලනය විසින් 2011 දෙසැම්බර් 18 වන දින ගෙන්වා ගත් අතර. එයින් යුගයක අඳුරු පරිච්ඡේදයක් කඳුළු සහ ලෙය මතින් මතක පමණක් ඉතිරි කොට අවසන් විය.

ජනතාධිකරණයෙන් උත්කෘෂ්ටයට නග්වන වූ පාලකයන් සිදූකරන්නා වූ ක්‍රියාවන් උදෙසා ශතවර්ෂ ගණනාවක් ඉක්මවුවද සමාව නොලැබේ. 

නූතන යුගයේ දේශපාලනික ප්‍රජාතන්ත්‍රවාදය එයයි.