ලාංකීය දේශපාලන , සමාජීය ඉතිහාසයේ මුල්ම වරට ජන බලවේගයක් විසින් ආණ්ඩුවක් මට්ටුකොට ඇති මොහොතක මෙම සටහන තබමි. මෙකී විප්ලවීය ජන නැඟුම් මෙරටට ආගන්තුක වුවද , පසුගිය දශක එක හමාර පුරාවටම මෙවැනි පොදු ජනයාගේ සටන් රාශියක් පෙරළන්නට නොහැකියැයි කියූ ආණ්ඩූ හොඳහැටි මට්ටු කොට ඇත.
දුම්රිය නවත්වා , දුරකතන සම්බන්ධතා වළකා , අනීතීක ඇඳිරි නිතීයක් පනවා තවදුරටත් ජනයා පාගා ගෙල සිඳිය හැකැයි කල්පනා කළ නන්දසේන ගෝඨාභය ඉල්ලා අස්විමේ ලිපිය මේ වනවිටත් කෙටුම්පත් කරනවා විය හැක.
අරගලකරුවන් විසින් ගාලු මුවදොර අග්‍රාමාත්‍ය ලේඛම් කාර්‍යාලයේ සිට අරලියගහ මැදුර දක්වා සිය ග්‍රහනය තද කොට ඇති අතර මෙම සටහන ලියවෙන මොහොත වන විටත් පක්ෂ නායකවරුන් සිය සාකච්ඡා ආරම්භ කොට ඇති අතර ජනාධිපති සහ අගමැති දෙදෙනාම බොහෝ විට අද මධ්‍යම රාත්‍රියට පෙර ඉල්ලා අස්වනු ඇත.
එයින් ඇතිවන්නා වූ පුරප්පාඩුව කෙටි කලකට කතානායක හරහා සැපිරී , අනතුරුව සර්ව පාක්ෂික ආණ්ඩු ක්‍රමයක් හරහා කඩිනම් මැතිවරණයකට යනු ඇත. පිටින් බැලූ කල ඉදිරි දේශපාලනික බලතුලනය වීම එය විය හැක. පොදු ජනතාව ආරම්භක පියවර අද උදෑසන සාර්ථක අන්දමින් ආරම්භ කොට මේ වන විට එහි උච්චතම අවස්ථාව පසුකරමින් සිටින අතර මින් ඉදිරි පියවර මීටත් වඩා අතිසුපරික්ෂාකාරීව ගත යුතුය.
මුල්ම කරුණ නම් ,
පෙර පැවසූ අන්දමට මේ ආකාරයෙන් ජන විප්ලව හරහා ගමන් කෙරු බොහෝ රාජ්‍යයන් සිය ඉරණම විසඳාගත්තේ බොහෝ විට හමුදා පාලන තන්ත්‍රයක් තුළයි .
මෙයට හේතූවූ ප්‍රධානතම කරුණ වූවේ. ප්‍රධාන සටනෙන් පසුව ඉන් ඉදිරියට සිදුවිය යුතු දේශපාලනික ප්‍රතිසංස්කරණ කෙරෙහි නිසි භාරයක් කිසිදූ සටන්කාමී කණ්ඩායමක් තුළ නොතිබිමයි. සටන්කාමී ලේ සහිත අරගලකරුවනි. නියම සටන දිනාගැනිමට නම් නිශ්චිත දේශපාලනික සහ කඩිනම් ආර්ථික ප්‍රතිසංස්කරණ කරා රට යොමු කළ යුතුය. ඒ සඳහා නිවැරදි මනසින් සිටිය යුතුය. කුප්‍රකට රාජපක්ෂවරුන් සිය අවසාන නිද්දිත තුරුම්පූ නොසඟවා මේ මොහොතේ භාවිතා කරනු ඇත. දෑස් දල්වා සිටින්න. මක්නිසාදයත් සැබෑ සටන තවම අවසන් නැත.
දෙවන ප්‍රධාන කරුණ නම් විශාල ණය බරකින් යුත් රාජ්‍යයක් වශයෙන් ඉදිරි මුල්‍යමය තීන්දූ තීරණ සඳහා පත්වන්නා වූ කවර මට්ටමේ ආණ්ඩුවක්ද ඒ සඳහා ඔවුන්ව යොමු කිරිමට ඔබ සතු බලය ප්‍රමාණවත්ද යන වගයි. අප ඩොලර් බිලියන් 52 ක සම්පූර්ණ ණය ධාරිතාවකින් යුත් දූපතක් බව අමතක නොකරන්න.
පාලකයන් වෙනස් වීම IMF සාකච්ඡා සඳහා ප්‍රේරණයක් සැපයුවද , කඩිනම් සාමකාමීත්වය රට තුළ නිර්මාණය කළ යුතු වේ.
ඉන්ධන නෞකාව ඉදිරි සතිය තුළ පැමිණිමට හැකියාවක් ඇති අතර පෙර තරම් නොවුනද යම් ආකාරයකට ජන ජිවිතය සාමාන්‍යකරණය වනු ඇත. එබැවින් වඩා ප්‍රඥාගෝචර මනසකින් ඉදිරිය කරා පිවිසීම අතිශය තීර්ණාත්මක වේ. මේබිම වසර තිහක් පුරාවට ඇති පදමින් ලේ හලා ඇති රටකි. මරණ ඝාතන හුරු රටකි , දමිළ , මුස්ලිම් ,සිංහල භේදයකින් තොරව ප්‍රාණයන් වා තලය උණුසුම් කළ බිමකි. .එබැවින් මිතුරනි නිවෙන්න. ඉදිරිය කරා තනි පුද්ගලයක් වශයෙන් සූදානම් වන්න.
තෙවැන්න. මෙම සටනෙ ඉදිරිපෙළ සටන්කාමීන් බඳු තරුණ පරපුර වෙතයි. ඔබ මෙම භූමියේ අතිශය වැදගත්ම දේශපාලනික බල පෙරළිය සඳහා ඔබගේ ලේ කඳුළු දහඩිය කාලය මුදල් වැය කොට ඇත. නන්දසේන ගෝඨාභය වැනි බාල දේශපාලනික රූකඩ හට මැදි වයසේ හීන බිඳිගිය මිනිසුන් බිලී බාගත හැකි වුවද , අසූව සහ අනූව දශකයේ උපත ලැබූ ජිවිතය කුමක්දැයි කිය අතපත ගෑමට උත්සහා දැරුවන් හට දේශපාලන හස්තය දිගුකිරිමට නොහැකි විය.
අරගලයට කිසියම් අයුරකින් අදහසක් දැක්වූ , දායකත්වයක් දැක්වූ තරුණයිනි , තරුණියනි. ඔබ මේ සටන් කළෙ අන්කවරකුගේ සිහින දිනා ගැනිමට නොව ඔබගේ සිහින දිනා ගැනිමටයි. දියුණු මානවවාදි සමාජයක් වෙනුවෙන් පුරා තෙමසක් මෙම තරුණයන් සිය දාහය පුදකොට ඇත.
ආදරය සහ මනුෂ්‍යත්වය කැටිකොට ඇරඹි ගාලූමුවදොර අරගලයේ ආරම්භයේ සිට පැවති උද්‍යෝගය ජවය බොහෝ දිනවල ගාලූමුවදොර හරහා කොළඹ කොටුව කරා ගිය මම දුටුවෙමි . බුද්ධිය , දැනුම සහ සටන්කාමීත්වය සහිත මිනිසුනි. රටේ ඉදිරි දශකයෙ වගවීම සහ වගකීම ඔබ සතුවට ගැනිම ඔබ සියල්ල සතු උරුමයකි. වචනයේපරිසමාර්ථ අර්ථයෙන් ඔබ එයට අතිශයින්ම සුදුස්සෙකි.
සිව්වැන්න සහ අවසානය අන්තරය ඇතුළු කිසිදූ දිනක ජනාධිපති ලේඛම් කාර්‍යාලයේ ප්‍රධාන ද්වාරය තනි නොකළ මිනිසුනි. ගිනි කාෂ්ටක දහවලේ , සීත රළු වර්ෂාවේ. කුසට නිසි අහරක් , නෙතට සුව දසුනක් ,ගතට නිසි ඇඳුමක් නොඇඳ සටන් කළ නුඹ හටයි. උපන් දා සිට දේශපාලනයට කැඹූරූ , අහරට ගන්නා හාල් ඇටයේ සිට අනේකවිධ බදු කඳු මත දිවිගෙවූ නුඹ පුරා තෙමසක් කළ සටනේ මුල් අඩිතාලම ජයගෙන අවසන් ය. නුඹේ මව පියා දශක තුනක් පුරාවට කරන්නට අසමත් වූ කාර්‍ය නුඹ සිදුකර අවසන්ය. මින් මතු කිසිදූ ප්‍රභූත්වය ආරූඪ කරගත්තාවූ පවුල් පාලනයෙන් රිසිසේ මත් වූ ගූඨ මිනිසුන් හට මෙබිම ජන පාලනයට ඇතුළු නොවිමට කටයුතු සිදුකොට ඇත .
මගේ මේ ආදරය , මගේ මේ ගෞරවය , මගේ මේ ප්‍රේමය ඉහත කී ජනාධිපති ලේඛම් කාර්‍යාලයේ ප්‍රාධාන ද්වාරය ඉදිරිපිට සිටගෙන සිටි මට පමණක් දේශනයක් පැවැත්වූ ඒ නාඳුනන මිනිසාහටයි. මාගේ මේ ගරුත්වය ඈත දුර රටක සිට සිය සොඳුරු සති අන්තය කැප කොට සිය මව්බිම වෙනුවෙන් හඬ අවදි කළ විදෙස්ගත ලාංකීකයන් හටයි. අතනොහැරීම මට ඉගැන්වූවේ ඔබලායි.
මෙය ප්‍රංශ විප්ලවය තරම්ම වැදගත් දිනයකි. නමුත් සියවස් ගණනාවකින් පසුත් මෙම විප්ලවය ඉතිහාසගත කිරිම ශ්‍රි ලාංකීක අප සැම සතු කාර්‍යකි..
ජය !!!!
🔥❤
ReplyDelete